Ezagutu

Zaporeak

Zaporeak Europara iristen diren errefuxiatuei janari duina eskaintzen dien irabazi asmo gabeko elkartea da.

Egun, Grezian dauden errefuxiatu esparruetan janaria prestatzen dugu harrapatuta dauden pertsona zaurgarrienen bizi baldintzak hobetzeko helburuarekin.

Motibazioa

Siriako gerrateak sortu zuen krisi humanitarioaren ondorioz, zazpi laguneko talde batek Greziara joatea erabaki genuen, Europara ihes egiten zuten pertsonei laguntzera. Genekiena egitera joan ginen: kozinatzera.

Tokiko jendearekin, GKE-ekin eta euskal gizartearen elkartasunarekin sortu genuen Zaporeak. 

Egun, Grezian, Lesboseko errefuxiatuen esparruetan gatibu dauden iheslariei janaria prestatzen dihardugu.

Boluntariotza

Elkartearen lan taldea boluntarioz osatzen da hein handi batean. 

Euskal Herrian zein errefuxiatu kanpalekuetan boluntarioek egiten duten lana dira Zaporeaken muina. 

Dagoeneko 700 pertsonak baino gehiagok eskaini dizkiote euren denbora eta ezagutzak elkarteak sortutako proiektuei.

Horiekin guztiekin batera, gure sukaldean pertsona errefuxiatuek parte hartzen dute, eta, sukalde eta banaketa lanetan laguntzeaz gain, esparruetan dauden pertsonekiko komunikazioan eta itzulpen lanetan laguntzen digute.

Elkartasuna

Guk gizartearen elkartasuna jasotzen dugu, horretaz oso kontziente gara.

Jendearen babesa, erakunde eta enpresena bezala, guztiz ezinbestekoa da gure helburua bete ahal izateko: gure sukaldean egunero 2.000 otordu kozinatzea eta horiek kanpamentuko pertsona errefuxiatuen artean banatzea.

Elkartasunetik bideratzen dizkiguzuen ekarpen horiek dira gure lanarekin jarraitzeko behar dugun indarra ematen digutenak.

“Egeo itsasoak muga hiltzaile bat izaten jarraitzen du Europara ihesi doazen milaka pertsonentzat, eta bertako uharteak aire zabaleko kartzelak bilakatu dira”

Jatorria

Intxaurrondotik Wukrora

Zaporeak Intxaurrondoko Gastronomia Elkarteak sortu zuen 2012an, elkartasuna eta gastronomia uztartzen dituzten proiektuak garatzeko.

Greziako kanpamentuetan laguntzen hasi aurretik, Etiopiako Wukro bailaran egin genuen lehen esku hartzea, Intxaurrondotik Wukrora egitasmoaren baitan.

¿Laguntza eskaini nahi?

Errefuxiatu esparruetan harrapatuta dauden pertsonak laguntzeko hainbat modu daude. Ezagutu itzazu Zaporeak laguntzeko dituzun aukera guztiak, ekarpen txikienetik hasita.